“ბარსელონა” ესპანეთის თასის ნახევარფინალშია

მიმდინარე სეზონის ერთ-ერთ ყველაზე დაძაბულ და შთამბეჭდავ შეხვედრაში, “ბარსელონამ” ეპანეთის თასის 1/4 ფინალში სტუმრად “გრანადა” დაამარცხა.

შეხვედრაში თავდაპირველად მასპინძლები დაწინაურდნენ, შეხვედრის მიწურულს კი “ბარსელონა” ორბურთიანი სხვაობით მარცხდებოდა, თუმცა მიუხედავად ამისა, კუმანის გუნდი თამაშში დაბრუნდა და ალბას გოლის წყალობით ბოლო დროს ნაცნობ დამატებით დროში ითამაშა. კატალონიელებმა ამჯერად თავდაჯერებულად ითამაშეს და საბოლოოდ მეტოქე (5-3) დაამარცხეს.

ამრიგად, “ბარსელონა” ესპანეთის თასის ნახევარფინალში გავიდა, სადაც პოტენციური მეტოქე “ლევანტე”, “სევილია” ან “ბეტისი” – “ბილბაოს” წყვილის გამარჯვებული იქნება.