კოპა დელ რეის მეოთხედფინალში ბარსელონას მეტოქე ცნობილია

მოგეხსენებათ, კატალონიის “ბარსელონამ” კოპა დელ რეის 1/8 ფინალში “რაიო ვალიეკანო” დაამარცხა და შემდეგ ეტაპზე გააღწია.

დღეს, თბილისის დროით 16:00 საათზე, ესპანეთის თასის მეოთხედფინალის წილისყრა ჩატარდა, სადაც გაირკვა, რომ “ბარსას” მომავალი მეტოქე ანდალუსიური “გრანადა” იქნება.

სხვა წყვილები შემდეგნაირად დაკომპლექტდა:

• “ბეტისი” – “ბილბაო”
• “ლევანტე” – “ვილიარეალი”
• “ალმერია” – “სევილია”

შეგახსენებთ, “ბლაუგრანა” “ნუევო ლოს კარმენესის” ბინადრებს ლა ლიგის მე-18 ტურში შეხვდა და მოწინააღმდეგეს ანტუან გრიზმანისა და ლეო მესის 2-2 გოლის წყალობით, ანგარიშით, 4-0 მოუგო.

როგორც ცნობილია, 1/2 ფინალში გასამართი დაპირისპირებები 2-4 თებერვალსაა ჩანიშნული. აგრეთვე, ხსენებულ ტურნირზე “ლურჯ-ბროწეულისფერებს” თამაში კვლავ გასვლაზე უწევთ.