“ბარსამ” ზედიზედ 4 გასვლითი მატჩი ბოლოს ორი წლის წინ მოიგო

გუშინ, “ბარსელონამ” ლა ლიგის მე-18 ტურის შეხვედრაში, “გრანადა”, ანგარიშით 4-0, გაანადგურა.

შედეგად, კუმანის გუნდს ესპანეთის ჩემპიონატში უკვე ზედიზედ 4 გასვლითი მოგება (“ვალიადოლიდი”, “უესკა”, “ბილბაო”) დაუგროვდა. ასეთი ფაქტი ბოლოს, 2018/19 წლების სეზონში დაფიქსირდა.

მაშინ, დეკემბერ-იანვრის პერიოდში, “ბარსამ” “ესპანიოლს” (4-0), “ლევანტეს” (5-0), “ხეტაფესა” (2-1) და “ჟირონას” (2-0) სძლია.

ასევე, 2015/16 წლების სეზონში, სტუმრად გამართულ შეხვედრებში, ლუის ენრიკეს გუნდმა ზედიზედ 6 მატჩის მოგება შეძლო – “მალაგა” (2-1), “ლევანტე” (2-0), “ხიხონი” (3-1), “ლას პალმასი” (2-1), “რაიო ვალიეკანო” (5-1), “ეიბარი” (4-0). ამ შედეგის განმეორების შესაძლებლობა “ბარსას” “ელჩესთან” (24 იანვარი) და “ბეტისთან” (7 თებერვალი) მატჩებში ექნება.