მოგეხსენებათ კატალონიის “ბარსელონას” ხელმძღვანელობა ხიხონის “სპორტინგის” მარცხენა მცველით, ხოსე ანხელითაა დაინტერესებული. ამის თაობაზე ჟურნალისტებმა კითხვა თავად ესპანელ ფეხბურთელსაც დაუსვეს, თუმცა მან განაცხადა, რომ ახლა იგი თავის ნაკრებზეა კონცენტრირებული…
“მე ახლა მშვიდად ვარ და მთლიანად ევროპის ჩემპიონატზე ვარ კონცენტრირებული (21 წლამდელთა). ვნახოთ, რა მოხდება შემდეგში. მე ჩემი თავი “ბარსას” ფეხბურთელის ამპლუაში არასოდეს წარმომედგინა. ეს დრომ მოიტანა”, – განაცხადა ახალგაზრდა ესპანელმა ფეხბურთელმა, რომელიც ახლა დანიაში, ესპანეთის ღირსებას იცავს.
