“ბარსელონას” ლეგენდა, კარლეს რეშაკი, Onda Cero-სთან ინტერვიუში, კლუბიდან მისი კარლეს ტუსკეტსის მიერ განთავისუფლების შესახებ გავრცელებულ ცნობას უარყოფს და ამბობს, რომ ეს პირადად მიღებული გადაწყვეტილებაა.
დაიწერა, თითქოს, მე გამათავისუფლეს, რაც ცრუ ინფორმაციაა. ყოველთვის, დეკემბერში ერთწლიან კონტრაქტს ვდებდით. ბართომეუსთან შესანიშნავი ურთიერთობა მქონდა და მაქვს, ორწლიანი ხელშეკრულების გაფორმება და მუშაობის ახალ პრეზიდენტთან გაგრძელებაც შემეძლო, მაგრამ ეს, ჩემთვის, არასერიოზული ჩანდა. ცხოვრებაში ყველაფერს აქვს დასაწყისი და დასასრული, თუმცა მოხარული ვიქნები თუ ვინმე ჩემს დაბრუნებას ისურვებს.
73 წლის რეშაკმა, ასევე, პრეზიდენტობის კანდიდატზე, ვიქტორ ფონტზეც, ისაუბრა.
მასთან ბრწყინვალე ურთიერთობა მაკავშირებს. იგი კლუბში ისეთ ადამიანებთან ერთად მოვა, როგორებიც ტონი ნადალი და ჩავი არიან.
მიუხედავად ამისა, იგი ფონტის მიერ რონალდ კუმანის შესახებ გაკეთებულ განცხადებებს არ ეთანხმება.
“ბარსასთვის” კუმანი ისტორიული ფეხბურთელია და წარმატების შემთხვევაში გუნდში დარჩენას დაიმსახურებს.
2010 წლიდან, რეშაკი “ბარსელონას” პრეზიდენტის მრჩევლის თანამდებობას იკავებდა. გუშინ, La Vanguardia-მა იუწყა, რომ კლუბის დროებითმა ხელმძღვანელობამ მას ხელშეკრულება გაუწყვიტა.
