სერჟინიო დესტი: მინდა კატალონიური ენა ვისწავლო

“ბარსელონას” ამერიკელი ფეხბურთელი, სერჟინიო დესტი, CBS-სთან ინტერვიუში, სხვადასხვა საინტერესო საკითხთან ერთად, სადებიუტო “ელ კლასიკოს” შესახებ საუბრობს.

ჩემპიონთა ლიგა

“კარგად ვთამაშობთ, სწორ გზას ვადგავართ. ახლა ექვსი ქულა გვაქვს და “იუვესთან” მოგებით გახარებულები ვართ, თუმცა შემდეგი თამაში რთული იქნება”.

დებიუტი “კლასიკოში”

“კლასიკოში” თამაში შესანიშნავი იყო, მიუხედავად იმისა, რომ, სამწუხაროდ, ვერ მოვიგეთ. მაგრამ მსოფლიოს საუკეთესო დაპირისპირებაში მონაწილეობა მაინც განსაკუთრებული მომენტია. ვისურვებდი, მაყურებელთან ერთად მეთამაშა”. 

ადაპტაცია

“აქ ყოფნის პერიოდი ძალიან კარგად მიდის. ესპანური ენის გაკვეთილები უკვე მიტარდება. შემდეგ, მინდა, კატალონიურიც ვისწავლო”.

ტიტულები

“ლა ლიგის, თასისა და ჩემპიონთა ლიგის მოგება მინდა. ბევრი ტიტულის მოგების იმედი გვაქვს, ჩვენს გუნდში მსოფლიოს საუკეთესო ფეხბურთელები თამაშობენ”.

“ბარსაში” გადასვლა

“მქონდა შემოთავაზებები სხვა კლუბებისგანაც, თუმცა “ბარსა” ჩემი ოცნების გუნდია, ყველაზე დიდი მსოფლიოში. მინდა, ახალ ფეხბურთელებთან ერთად, ახალი პროგრამის ნაწილი ვიყო”.

ეროვნული ნაკრები

“მსოფლიო ჩემპიონატზე მონაწილეობა მსურს და, იმედია, ტურნირზე გასვლას შევძლებთ. შესანიშნავ თაობასთან ერთად, ძალიან კარგი მწვრთნელიც გვყავს”.

შეგახსენებთ, რომ 19 წლის ამერიკელი “ბარსას” ამსტერდამის “აიაქსიდან”, 21 მილიონი ევროს სანაცვლოდ, შეუერთდა.