უნდობლობის საკითხის აღძვრის ერთ-ერთი ავტორის, ჟორდი ფარეს, თქმით, “ბარსელონას” ხელმძღვანელობა კენჭიყრას განგებ არ ნიშნავს.
კლუბის ვიცე-პრეზიდენტმა, ჟორდი კარდონერმა, განაცხადა, რომ ეპიდსიტუაციის გათვალისწინებით, უმჯობესი იქნება თუ კენჭისყრა ორი კვირით გადავადდება და, 1 ნოემბრის ნაცვლად, 15 ნოემბერს ჩატარდება.
წესდების მიხედვით, დირექტორთა საბჭოს კენჭიყრის დანიშვნის ვადა ორშაბათს ეწურება. ფარე ამბობს, რომ ამჟამინდელი ხელმძღვანელობა ძალაუფლების შენარჩუნებას მაქსიმალურად ცდილობს და იმ შემთხვევაში თუ სამშაბათს კენჭიყრა დანიშნული არ იქნება, სამართლებრივ ზომებს მიმართავს. მისი აზრით, “ბარსელონას” ასეთი ღონისძიების უსაფრთხოდ და სამედიცინო რეკომენდაციების სრული დაცვით ჩატარების რესურსი გააჩნია. ამის შესახებ მან Mundo Deportivo-სთან ისაუბრა.
დღეს, კატალონიის ჯანდაცვის მინისტრმა განაცხადა, რომ, ტექნიკურად, კენჭიყრის ჩატარება შესაძლებელია.
