ლიონელ მესის მორიგი ქველმოქმედება მოზამბიკში

“ბარსელონას” არგენტინელმა კაპიტანმა, ლიონელ მესიმ, მოზამბიკის სოფელში 15 000 ბავშვისთვის სასკოლო საუზმე გააგზავნა, იტყობინება Cadena SER.

არგენტინელმა აღნიშნული ქველმოქმედება საკუთარი ფონდის საშუალებით განახორციელა (Messi Foundation), ფონდი უკვე 13 წელია ფუნქციონირებს და ეხმარება ბავშვებს მთელი მსოფლიოს მასშტაბით. 

საქველმოქმედო ორგანიზაციის ერთ-ერთი მთავარი მიზანი, აფრიკაში უთანასწორობასთან და საკვების დეფიციტთან ბრძოლაა. მიმდინარე წლის დასაწყისში მესიმ არგენტინაში და ესპანეთში COVID-19-ის წინააღმდეგ ბრძოლისთვის 1,5 მილიონი ევროც გამოყო.