“ბარსელონას” დირექტორი გილერმო ამორი მიანიშნებს, რომ ხვალ რამდენიმე ფეხბურთელი კატალონიურ კლუბს დატოვებს.
“ხვალამდე უნდა მოვიცადოთ. გარკვეული არაფერია. ვნახოთ, მივიღებთ თუ არა შემოთავაზებებს. სატრანსფერო ფანჯრის დახურვამდე 24 საათია დარჩენილი”, – აცხადებს კლუბის დირექტორი.
გილერმო ამორის განცხადებიდან ირკვევა, რომ “ბლაუგრანამ” სატრანსფერო ფანჯრის ბოლო დღეს, შესაძლოა, მოთამაშეები გაუშვას, თუმცა კატალონიელებს შენაძენიც ეყოლებათ: “ლიონის” სპორტულმა დირექტორმა, ჟუნინიომ, ცოტა ხნის წინ მემფის დეპაის “ბარსელონაში” ტრანსფერი თითქმის დაადასტურა.
