დღეს ცნობილი გახდა, რომ პრიმერა დივიზიონში “ბარსელონას” მომდევნო მატჩს ხესუს ხილ მანსანო განსჯის.
“ბარსელონა”-“სევილია” 4 ოქტომბერს გაიმართება – ტურის აშკარად ცენტრალური მატჩი ესპანეთის სამსაჯო კომიტეტმა გამოცდილ 36 წლის არბიტრს ანდო, რომელიც ლა ლიგაში 2012 წლიდან მუშაობს. მანსანოს VAR-ის ოთახიდან მარტინეს მუნუერა დაეხმარება.
ხესუს ხილ მანსანოსა და “ბარსას” ურთიერთობის ყველაზე დასამახსოვრებელი ეპიზოდი 2018 წლის სექტემბერში, “ბარსელონასა” და “ჟირონას” შეხვედრის (2-2) შემდეგ მოხდა, როცა “ბლაუგრანას” კაპიტანმა, ლიონელ მესიმ, მისთვის ხელის ჩამორთმევაზე უარი თქვა.
