მოახლოებული სანაკრებო მატჩებისთვის ფეხბურთელთა განაცხადი დიდიე დეშამმაც დაასახელა. საფრანგეთის ეროვნულ გუნდს “ბარსელონას” ორი მოთამაშე დაეხმარება: ანტუან გრიზმანი და კლემან ლანგლე.
სხვა ევროპული ნაკრებების მგსავსად, საფრანგეთიც 3 შეხვედრას გამართავს, 2 ოფიციალურსა და 1 ამხანაგურს. ამხანაგური შეხვედრა უკრაინასთან 7 ოქტომბერს ჩატარდება.
მომდევნო მატჩები ერთა ლიგის ეგიდით გაიმართება – 11 ოქტომბერს ფრანგები პორტუგალიას უმასპინძლებენ, 14 ოქტომბერს კი სტუმრად ხორვატიას შეხვდებიან.
