ტრინკაუ პორტუგალიაში გოლის საუკეთესო შემქმნელად დასახელდა

პორტუგალიურმა გამოცემამ, A Bola-მ, ფრანსიშკუ ტრინკაუ გასული სეზონის გოლის საუკეთესო შემქმნელად დაასახელა.

20 წლის ფეხბურთელი 20.5 ქულით რეიტინგის სათავეში აღმოჩნდა. ჩემპიონატში მის ანგარიშზე 8 გოლი და 6 ასისტი იყო.

მან 15 შეტევა წამოიწყო, რომელთაც გოლი მოჰყვა და ასევე ორი პენალტი მოიპოვა.

ფრანსიშკუ “ბრაგას” ისტორიაში მეორე ფეხბურთელი გახდა, რომელმაც ამ ჯილდოს მოპოვება შეძლო. პირველად ეს მარკო მოსორომ 2012/13 სეზონში მოახერხა.

“ბარსელონამ” პორტუგალიელი ტალანტი იანვარში 31 მილიონ ევროდ შეიძინა. 

ყველა ტურნირზე ერთად, ტრინკაუმ 40 შეხვედრაში მიიღო მონაწილეობა და მის აქტივში 9 გოლი და 13 ასისტი იყო.