“ბარსელონა” მეოთხედფინალშია!

თითქმის 6-თვიანი პაუზის შემდეგ, “ბარსელონამ” “ნაპოლის” წინააღმდეგ ჩემპიონთა ლიგის 1/8-ფინალის საპასუხო მატჩი გამართა. კატალონიელებმა მეტოქე 3-1, ორი მატჩის ჯამში კი 4-2 დაამარცხეს. 

“ბარსა” შეხვედრის დაწყებიდან მალევე თავური დარტყმით კლემან ლანგლემ დააწინაურა, რომლისთვისაც ეს ჩემპიონთა ლიგაზე “ბლაუგრანას” მაისურით პირველი გოლი იყო. 23-ე წუთზე, სხვაობა ლეო მესიმ გაზარდა. არგენტინელმა ულამაზესი ინდივიდუალური გოლი შემოგვთავაზა. მესიმ კიდევ ერთი გოლის გატანა მოახერხა, თუმცა ხელით თამაშის გამო მსაჯმა მისი გაუქმება გადაწყვიტა. 

ტაიმის მიწურულს “ბარსელონას” კაპიტნის წინააღმდეგ “ნაპოლის” დაცვის ლიდერმა, კალიდუ კულიბალიმ, ძალიან უხეშად ითამაშა, რასაც იტალიელთა კარში პენალტის დანიშვნა მოჰყვა. თერთმეტმეტრიანი ლუის სუარესმა ზუსტად შეასრულა. 

პირველი ნახევრის დასრულებამდე “ნაპოლიმ” სხვაობის შემცირება მაინც მოახერხა – გოლი ლორენცო ინსინიემ პენალტით გაიტანა. 

მეორე ტაიმში ნეაპოლელების ამოცანა მატჩის არწაგება იყო, მაგრამ კიკე სეტიენის გუნდმა ჩემპიონთა ლიგის ტრადიცია არ გაიმეორა და სასურველი შედეგის ბოლომდე მიყვანა მოახერხა, მიუხედავად იმისა, რომ თამაშის ხარისხი სრულყოფილისგან ბევრად შორს იყო. 

მატჩის შესახებ: 

ფოტოები

ვიდეო

ფაქტები

ფეხბურთელთა შეფასებები

“ბარსა” ლიგის დასკვნით ეტაპზე პორტუგალიაში იასპარეზებს. ერთმატჩიან მეოთხედფინალში კატალონიური გრანდის მეტოქე მიუნხენის “ბაიერნი” იქნება, რომელმაც ლონდონის “ჩელსის” ჯამში 7-1 მოუგო. თამაში 14 აგვისტოს, თბილისის დროით 23 საათზე დაიწყება.