ლოსანოს შანსი და მუქარა “ბარსელონას”

Marca-მ “ბარსელონასთან” მატჩის წინ, ირვინგ “ჩაკი” ლოსანო გაიხსენა. კატალონური კლუბი, ლოსანოს გადაბირებით 2018 წელს ინტერესდებოდა. პსვ-ს ფორვარდს ტრანსფერზე დაეკითხნენ კიდეც, რაზეც ლოსანომ უპასუხა – “ბარსელონაში” თამაში ოცნების ასრულება იქნება.” ტრანსფერზე საუბრობდა მამამისიც, რუსეთში მიმდინარე მუნდილის პარალელურად განაცხადა, რომ ლოსანო “ბარსაში” გადასვლასთან ახლოს იყო, მაგრამ ყველაფერი სხვაგვარად წარიმართა და მექსიკელი “ნაპოლიში” აღმოჩნდა.

“ჩაკი” ბავშვობიდან “ბარსას” გულშემატკივრობდა, ოთახში “ბარსელონას” დიდი პლაკატი ჰქონდა გაკრული და ამბობდა, რომ აუცილებლად ითამაშებდა ამ გუნდში, შემდეგ ლეო მესის ფანი გახდა და მასთან ერთად თამაშთანაც ახლოს იყო. ლოსანო განვლილი გზით უკმაყოფილო არ არის და თუ გავითვალისწინებთ, რომ ჯერ 25 წლის არის, კიდევ ექნება შანსი “ბარსელონას” ყურადღება დაიმსახუროს.

ლოსანო “ნაპოლიმ” მისთვის სარეკორდო 42 მილიონ ევროდ შეიძინა, მექსიკელის გადაბირება კარლო ანჩელოტის მთავარი მოთხოვნა იყო, რომელმაც ფორვარდის თამაში რუსეთის მუნდიალზე იხილა და გადაწყვიტა, რომ აუცილებლად უნდა შეეძინა.

გატუზოს მოსვლის შემდეგ, ლოსანოს სათამაშო დრო შეუმცირდა, მაგრამ თუ გავითვალისწინებთ ლორენსო ინსინიეს ტრავმას, მექსიკელს ექნება შანსი კვლავ დაფიქსირდეს მსოფლიო ვარსკვლავთა რადარზე, ამაზე უკეთეს შესაძლებლობა უბრალოდ არ არსებობს, “კამპ ნოუსკენ” მთელი მსოფლიოს ყურადღება იქნება მიპყრობილი და “ჩაკის” ექნბა შანსი, რომ “ბარსელონას” მესვეურები კვლავ დააფიქროს.