რა გზა გაიარა “ნაპოლიმ”

8 აგვისტოს, 165 დღიანი პაუზის შემდეგ, ჩემპიონთა ლიგა დაბრუნდება. “ბარსელონა” მეორე მერვედფინალურ შეხვედრას გამართავს “ნაპოლისთან”. პირველი მატჩი, “სან პაოლოზე” 1:1 დასრულდა.

დაუმარცხებელი ჯგუფურ ეტაპზე

“ნაპოლი” საკმაოდ რთულ ჯგუფში მოხვდა, მიუხედავად ამისა ერთი შეხვედრაც არ წაუგია. ჯგუფური ეტაპი, “ლივერპულთან” დადებითი ბალანსით ჩაამთავრა – ერთი მოგება, ერთი ფრე. თუმცა, პირველი ადგილი მაინც ვერ წაართვა.

სახლში მხოლოდ ერთი ფრე ითამაშა “ზალცბურგთან” (1:1), დანარჩენი ორი შეხვედრა, “ლივერპულთან” და “გენკთან” დამაჯერებლად მოიგო. ამ ორ შეხვედრაში “ნაპოლიმ” 6 გოლი გაიტანა და არც ერთი არ მიუღია საკუთარ კარში.

ხოლო გასვლით შეხვედრებში, 4 გოლი გაიტანა და 3 გაუშვა.

ახალი მწვრთნელი

დეკემბერში, მთავარი მწვრთნელის პოზიციაზე, ჯენარო გატუზომ, კარლო ანჩელოტი ჩაანაცვლა. გუნდი ჩემპიონთა ლიგაზე კარგად გამოდიოდა, მაგრამ სერია ა-ში პრობლემები იყო. “ნაპოლიმ” ზედიზედ შვიდ შეხვედრაში ვერ მოიგო.

ანჩელოტის ძლიერი მხარე ჩემპიონატში კარგი თამაში არასდროს ყოფილა. მხოლოდ ჩემპიონთა ლიგის ფლეი ოფში გასვლა კი დე ლაურენტისს არ აკმაყოფილებდა. ამიტომ “პაპა კარლო” გაუშვეს და მის ნაცვლად მოვიდა ჯენარო გატუზო.

გუნდის გადაწყობას დიდი დრო დასჭირდა, გატუზომ პირველი 5 შეხვედრიდან, 4 წააგო. გუნდი მეთერთმეტე პოზიციამდე დაქვეითდა, შემდეგ მისმა მეთოდებმა შედეგი გამოიღეს და “ნაპოლი” ისევ ათამაშდა.

საბოლოოდ “ნაპოლიმ” მეექვსე ადგილი “მილანთან” დათმო, მაგრამ ჯენარო მაინც კმაყოფილი იყო, ბოლო შეხვედრაში ამ სეზონის ერთ-ერთი აღმოჩენა, რომის “ლაციო” დაამარცხეს – 3:1.

ბურთის ფლობის საუკეთესო მაჩვენებელი 

გატუზოს ხელში, “ნაპოლი” უფრო დაცვითი გუნდი გახდა, რომელიც აქცენტს კონტრშეტევებზე აკეთებს, მიუხედავად ამისა, ბურთის ფლობის მაჩვენებელი ყველაზე მაღალი აქვს – 59%.

ამავე დროს, იტალიის ჩემპიონატში, ყველაზე მეტი პასი გააკეთეს (22.877).

კოპა იტალია

“ნაპოლიმ”, “ბარსელონასგან” განსხვავებით, ამ სეზონში ერთი ტიტული უკვე მოიგო – იტალიის თასის ფინალში, “იუვენტუსი” დაამარცხა, თერთმეტმეტრიანების სერიაში.

ეს პირველი ტიტული იყო, ხუთი წლის შემდეგ. ამ გამარჯვებით “ნაპოლი” პირდაპირ მოხვდება უეფას თასის ჯგუფურ ეტაპზე, რის საშუალებასაც სერია ა-ში დაკავებული მეშვიდე პოზიცია არ აძლევდა.

ლიდერები

ფაბიან რუისი “ბარსელონასთის” კარგად ნაცნობი ფეხბურთელია. “ბარსა” დიდი ხანია ესპანელს აკვირდება, მას ძალიან კარგი მარცხენა ფეხი აქვს, უყვარს ბურთის დაჭერა და ბოლო პასის გაკეთება. სავარაუდოდ, სწორედ ის იბრძოლებს ცენტრის მოსაპოვებლად, ფრენკი დე იონგის პირისპირ.

დრის მარტენსი “ნაპოლის” საუკეთესო ბომბარდირია, ყველა ტურნირზე გატანილი გოლების მიხედვით. მას უფრო მეტი აქვს შეგდებული, ვიდრე ჰამშიკს და მარადონას.

გარემარბს ცენტრფორვარდის პოზიციაზეც შეუძლია თამაში, მან ამ სეზონშიც ყველაზე მეტი გაიტანა (16 გოლი), მაგრამ ბოლო ექვს შეხვედრაში არ გაუტანია და მცირე დაზიანებაც მიიღო.

კაპიტანი

ლორენცო ინსინიემ “ლაციოსთან” შეხვედრაში ტკივილი იგრძნო და შეცვლა მოითხოვა, გატუზო იმედიანად არის განწყობილი და თვლის, რომ კაპიტანი თამაშს შეძლებს.

“ნაპოლის” ამ მხრივ ერთხელ უკვე გაუმართლა, განმეორებითი შეხვედრა, რომ მარტში გამართულიყო, ნახევარი გუნდი, ტრავმის გამო თამაშს ვერ შეძლებდა, მაგრამ იგივე “ბარსელონაზეც” შეიძლება ითქვას, პაუზის შემდეგ ლუის სუარესი დაბრუნდა და ვინ იცის, იქნებ უსმან დემბელეც ვიხილოთ განაცხადში.