მიუხედავად იმისა, რომ 2019/20 წლების სეზონი “ბარსელონასთვის” არც ისე შედეგიანი გამოდგა და საკმაოდ რეალური შანსია, კლუბი უტიტულოდ დარჩეს, კატალონიელებს კარგი მაჩვენებელი ერთ სტატისტიკურ კომპონენტში მაინც აქვს.
კიკე სეტიენის მთავარი მწვრთნელის პოსტზე დანიშვნის შემდეგ “ბარსას” ფეხბურთელებმა ბურთის კონტროლისთვის მეტი ყურადღების დათმობა დაიწყეს და ეს სტატისტიკაზეც აისახა. Sport-ის ცნობით, ევროპის წამყვან ჩემპიონატებში, ბურთის ფლობის საშუალო მაჩვენებლის მიხედვით, 62.1%-ით “ბარსელონა” მეორე ადგილზეა და ლიდერ “ბაიერნს” მხოლოდ 0.1%-ით ჩამორჩება.
მესამე ადგილს “პარი სენ-ჟერმენი” და “მანჩესტერ სიტი” იყოფენ – ამ სეზონში ორივე გუნდი ბურთს, საშუალოდ, 61.6%-ით აკონტროლებდა.
ხუთეულში “ლიდს იუნაიტედიც” შედის. მარსელო ბიელსას ხელმძღვანელობით ინგლისურმა კლუბმა ჩემფიონშიფი დამაჯერებლად მოიგო და ხანგრძლივი პაუზის შემდეგ პრემიერ ლიგაში დაბრუნდა.
ბურთის ფლობა კარგია მარა ეს ბარსა უაზროდ აგორავებდა ბურთს
სარაბია სუარესს როგორი მკვლელი თვალებით უყურებს.