“ბარსას” მეორე ფორმა გაყიდვაში მომდევნო კვირიდან ჩაეშვება

Mundo Deportivo-ს ინფორმაციით, “ბარსელონას” ახალი, 2020/21 წლების სეზონის მეორე ფორმის გაყიდვა მომდევნო კვირიდან დაიწყება.

კატალონიელი ჟურნალისტების ცნობით, შესაძლებელი იქნება მეორე ფორმის ორი განსხვავებული მოდელის შეძენა: Vapor Match, რომელსაც ფეხბურთელები იყენებენ და Stadium, რომელიც გულშემატკივრებისთვისაა განკუთვინილი.

საშინაო ფორმის შემთხვევაში Stadium კატეგორიის მაისურები, საწარმოო დეფექტის გამო, ჯერჯერობით, გაყიდვაში არაა.

Footy Headlines-მა უკვე გაავრცელა ინფორმაცია “ბლაუგრანას” მეორე ფორმის დიზაინის შესახებ. წყაროს ცნობით, იგი შაფი იქნება, ხოლო მასზე დატანილი წარწერები კი – ოქროსფერი.