ყოფილი არგენტინელი ფეხბურთელი, დიეგო მილიტო თანამემამულესა და “ბარსელონას” სამიზნეზე, ლაუტარო მარტინესზე საუბრობს.
“ვფიქრობ, ლაუტარო “ინტერში” კარგად ასპარეზობს, მაგრამ აშკარაა, რომ მას “ბარსაში” ლეო მესისთან სათამაშოდ შესანიშნავი შესაძლებლობა მიეცა.
მარტინესი სრულყოფილი ფეხბურთელია, რომელიც “ნერაძურისთვის” მნიშვნელოვანი ფიგურაა. არ ვიცი, მომავალში რა მოხდება. ამაზე ბევრი ჭორი იწერება”, – ციტირებს მილიტოს სიტყვებს Marca.
ლაუტარო დიდი ხანია “ბლაუგრანას” რადარზე იმყოფება. ბოლო დროს გავრცელებული ინფორმაციით, ანტონიო კონტეს გუნდი 90 მილიონსა და ტრანსფერში ფეხბურთელების ჩართვას ითხოვს. ბარტერის კანდიდატებს შორის კი არტურ მელო, ანტუან გრიზმანი, ჟუნიორ ფირპო და ემერსონიც განიხილებიან. ეს უკანასკნელი (ბრაზილიელი) ამჟამად “ბეტისში” ასპარეზობს, თუმცა მომდევნო წელს “ლურჯ-ბროწეულიფერთა” რიგებს შეუერთდება.
რაც შეეხება მილიტოს, არგენტინელი “ინტერში” 5 წელი ირიცხებოდა და 2010 წელს ჩემპიონთა ლიგაც მოიგო. დიეგოს ესპანეთშიც, კერძოდ, “სარაგოსაში” უთამაშია.
ამ ნისკარტას რა დამავიწყებს, როგორ "ჩესნად" გამოთიშეს ბარსა ნახევარფინალიდან,
მსაჯების დედაც, თორემ ბარსას რეალამდე ექნებოდა სამი ლიგა დადებული ზედიზედ, 09-10-11.
ბიჭო არაფერში არ სჭირდება ეს ბარსას აი არაფერში მესისთან ნაკრებშიც ითამაშებს