“ბარსელონას” 5 სამიზნე – ჭორები და ფასები

Tribuna გვთავაზობს ჭორებსა და სატრანსფერო ფასებს იმ 5 ფეხბურთელის შესახებ, რომელთა სახელებსაც პრესაში “ბარსელონას” ხშირად უკავშირებენ.

ნეიმარი

ჭორები:

• “პარი სენ-ჟერმენი”, საბოლოოდ, “ბარსელონას” ნეიმარის ტრანსფერის თაობაზე მოლაპარაკებებს დასთანხმდა.
• პარიზელები მზად არიან, 28 წლის ბრაზილიელი შემტევის მომავალი კლუბისგან თანხა ეტაპორივად მიიღონ.
• ნეიმარი პსჟ-ში დარჩენას აღარ აპირებს.

Transfermarkt-ის ფასი: 128 მილიონი ევრო.

ლაუტარო მარტინესი

ჭორები:

• ლაუტარო “ბარსელონაში” მხოლოდ იმ შემთხვევაში გადავა, თუ კატალონიური კლუბი მარტინესში მის გამოსასყიდ თანხას, 111 მილიონ ევროს გადაიხდის ან გარიგებაში 2 ფეხბურთელს ჩართავს.
• “ბლაუგრანამ” ლაუტაროს წელიწადში 10 მილიონი ევრო შესთავაზა.
• 22 წლის თავდამსხმელის აგენტმა, ალბერტო იაკემ მიანიშნა, რომ არგენტინელი შემტევი “ბარსაში” ლიონელ მესისთან ერთად თამაშს ისურვებდა.

Transfermarkt-ის ფასი: 64 მილიონი ევრო.

დაიო უპამეკანო

ჭორები:

• 21 წლის ცენტრალურ მცველს ზაფხულში “ლაიფციგის” დატოვება სურს.
• უპამეკანოს გამოსასყიდი თანხა ზაფხულის სატრანსფერო ფანჯრის პერიოდში 80-დან 60 მილიონ ევრომდე შემცირდება.
• ფრანგი ფეხბურთელის შეძენის სურვილს პირადად მადრიდის “რეალის” მთავარი მწვრთნელი, ზინედინ ზიდანი გამოთქვამს.

Transfermarkt-ის ფასი: 45 მილიონი ევრო.

ჯეიდონ სანჩო

ჭორები:

• სანჩოს გარემოცვას სჯერა, რომ 20 წლის შემტევს ლა ლიგაში გადასვლით “ოქროს ბურთის” მოგების მეტი შანსი ექნება.
• “ბარსელონას” ლეგენდა ჩავი ერნანდესი ინგლისელ ამომავალ ვარსკვლავს ერთ-ერთ იმ ფეხბურთელად ასახელებს, რომლის ხილვასაც კატალონიურ კლუბში ისურვებდა.
• “დორტმუნდს” სანჩოსთან განშორება 120 მილიონ ევროზე ნაკლებად არ სურს.

Transfermarkt-ის ფასი: 117 მილიონი ევრო.

ფაბაინ რუისი

ჭორები:

• 24 წლის ნახევარმცველით “ბარსელონა”, “ლივერპული” და “რეალი” ინტერესდებიან.
• “ბლაუგრანას” მთავარ მწვრთნელს, კიკე სეტიენს, რომელიც რუისს “ბეტისში” ხელმძღვანელობდა, ესპანელი შუახაზელის გაწვრთნა ისევ სურს.
• “ნაპოლი” გეგმავს, ფაბიან რუისთან ახალ კონტრაქტში მის გამოსასყიდ თანხად 180 მილიონი ევრო გაწეროს.

Transfermarkt-ის ფასი: 48 მილიობი ევრო.