კატალონიელი ბიზნესმენი, პოლიტიკური აქტივისტი და მსხვილი სატელევიზიო კომპანიის, Mediapro-ს მფლობელი, ჟაუმე როურესი დარწმუნებულია იმაში, რომ “ბარსელონას” ხელმძღვანელობა სოციალურ ქსელში გავრცელებული დამაკნინებელი პოსტების უკან ნამდვილად დგას.
Cadena SER-მა დაადგინა, რომ კომპანია i3 VENTURES, რომელიც “ბარსელონასთან” ოფიციალურად თანამშრომლობს, ჟოზეპ მარია ბართომეუს მოწინააღმდეგეების რეპუტაციის შელახვას ცდილობდა. რა თქმა უნდა, “ბარსა” ამ ინფორმაციას უარყოფს.
როურესთან ერთად კამპანიის სამიზნე “ბლაუგრანას” ფეხბურთელები, მათ შორის ლიონელ მესი და ჟერარ პიკე, ასევე ჩავი ერნანდესი, პეპ გვარდიოლა და პრეზიდენტობის კანდიდატი, ვიქტორ ფონტი იყვნენ.
“როგორც “ბარსელონას” წევრი, ნაწყენი ვარ, რომ ამ კლუბში ასეთი რამის გაკეთება შეუძლიათ, მაგრამ მე დარწმუნებული ვარ, რომ ისინი ამ ანგარიშების უკან ნამდვილად დგანან. რა თქმა უნდა, ჩვენ სამართლებრივ დავას დავიწყებთ და გამოძიებას მოვითხოვთ.
ნანახი მაქვს დოკუმენტაცია, რომელიც ამ ყველაფერს ამტკიცებს. კლუბმა არა მხოლოდ შეურაცხყოფა მიაყენა ხალხს და ცრუ ინფორმაციები გაავრცელა, არამედ დიდი თანხაც გაფლანგა – საუბარი მილიონ ევროზეა”. – ციტირებს როურესის სიტყვებს Marca.
რამხელა გამისწორდა რომ ვნახე ადამიანი რომელიც ჩემსავით ფიქრობს მეც ეგ მგონია და დარწმუნებულიც ვარ
პერესის აგენტია ბართლომეუ 100%. ბარსას აკადემია გაანადგურა. უაზრო ტრანსფერებით გუნდი დააქცია. გუნდში ნაგავი მწვრთნელი მოიყვანა, რომელმაც გუნდი დააჩლუნგა. დედაბუდიანად ცდილობს საშუალო დონის გუნდად აქციოს ბარსა.
ახლა მაინც თუ გამოფხიზლდით კარგია.
მერე გამოიყენეთ ეს სიტუაცია და მოაშორეთ ეს ნაგავი კაცი ბარსას.
როსელის გზას ადგას ეს ნაგავი აფერისტი.
მე არ ვიცი არის თუ არა ეს სიმართლე მარა ერთი ის ვიცი რო ბართომეუმ სასწრაფოდ უნდა დატოვოს პოსტი