“ბარსელონას” ოფიციალური განცხადება გულშემატკივრების უღირს საქციელზე

“ბარსელონასა” და “ესპანიოლის” სარეზერვო გუნდებს შორის მასპინძელი გუნდის გულშემატკივრების უღირს საქციელს “ბლაუგრანა” ოფიციალური განცხადებით გამოეხმაურა.

4 იანვარს, იოჰან კრუიფის სახელობის არენაზე გამართული მატჩის დროს, “ბარსელონას” გულშემატკივრების ნაწილი “ესპანიოლის” გარდაცვლილი ფეხბურთელის, დანი ხარკეს შესახებ ირონიული სიმღერებითა და ნაცისტური შეძახილებით გამოირჩეოდა.

გთავაზობთ მომხდართან დაკავშირებით საფეხბურთო კლუბ “ბარსელონას” ოფიციალურ განცხადებას:

“გასულ შაბათს, “ბარსელონა ბ”-სა და “ესპანიოლ ბ”-ს შორის იოჰან კრუიფის სახელობის სტადიონზე გამართული მატჩის დროს, გულშემატკივრების მცირე ნაწილი “ბარსელონასთვის” მიუღებელი შეძახილებითა სიმღერებით გამოირჩეოდა. მომხდართან დაკავშირებით ვაცხადებთ:

1) როგორც კი მიუღებელი ქმედება დაფიქსირდა, დაცვის სამსახურის წარმომადგენლები დამრღვევ 20-25 პირდთან მივიდნენ და რამდენიმე წუთში, პოლიციის თანამშრომლების დახმარებით, სტადიონიდან გაიყვანეს, რაც მატჩის არბიტრის მოხსენებაშიც დაფიქსირდა.

2) კლუბმა გადაწყვიტა, პოლიციასთან ერთად, იზრუნოს ინციდენტში მონაწილე პირების იდენტიფიცირებაზე და იმაზე, რომ მათ “ბარსელონას” საკუთრებაში არსებულ არცერთ სივრცეში შესვლის უფლება აღარ ჰქონდეთ. საჩივარი შეივსება პროკურორთან ერთად და ანტიძალადობრივი კომისია საქმის კურსში იქნება ჩაყენებული. იმ შემთხვევაში, თუ დამრღვევები კლუბის წევრები აღმოჩნდებიან, საჩივარი დაფიქსირება კლუბის სადისციპლინო კომიტეტშიც.

3) კლუბი ბოლომდე რჩება ძალადობის წინააღმდეგ მებრძოლ ორგანიზაციად, საჯაროდ გმობს მსგავს ფაქტებს და წუხილს გამოთქვამს იმ ზიანის გამო, რომელიც, შესაძლოა, ვინმეს მიადგა.”