როგორც იცით, კატალონიის “ბარსელონა” დამარცხდა ფინალურ ორთაბრძოლაში მადრიდის “რეალთან” და სამეფო თასი მადრიდელებმა იგდეს ხელთ. პეპ გვარდიოლასთვის ეს იყო პირველი მარცხი “თეთრებთან” მას შემდეგ, რაც “ბლაუგრანას” ჩაუდგა სათავეში.
► გვარდიოლამ მოიგო 1 ჩემპიონთა ლიგის თასი, 1 სამეფო თასი, საკლუბო მსოფლიო ჩემპიონატი, ევროპის სუპერ თასი, ორი ესპანეთის სუპერ თასი. წაგების მიუხედავად, 7–დან 6 თასი მაინც მიღწევაა.
► ეს ასევე პირველი შემთხვევაა, როდესაც გვარდიოლა დამატებით დროში დამარცხდა. მონაკოსა და აბუ დაბიში “ბარსელონა” გამარჯვებული გამოვიდა.
► “ბარსამ” ყველა ფინალი მოიგო 15 წლის განმავლობაში, მაგრამ 20 აპრილს პირველად დამარცხდა. ბოლოს ისინი დამარცხდნენ მადრიდის “ატლეტიკოსთან” ფინალში 1995/96 წლებში. აღსანიშნავია, რომ კატალონიელებმა კვლავ 1:0 წააგეს დამატებით დროში.
► “მესტალიაზე” ძალიან დაძაბული მატჩი გაიმართა: კარში დარტყმები ბ – 13, რ – 11; ზუსტი დარტყმები ბ – 3, რ – 5; ჩაწოდებები ბ – 16, რ – 12; დარღვევები ბ – 24, რ – 26.
► პასების მხრივ, როგორც ყოველთვის “ბარსელონა” მოწოდების სიმაღლეზეა. 816 ზუსტი პასი “ბარსელონელნთა” შესრულებით, ხოლო 289 ზუსტი პასი მადრიდელთა შესრულებით. “ბლაუგრანას” მხრიდან ყველაზე მეტი პასი გააკეთა ჩავიმ (135 ზუსტი პასი).
► ალვეშს 14–ჯერ გასცდნენ, თუმცა მეტოქე 10–ჯერ შეაჩერა.
► 2011 წელს, ეს პირველი შემთხვევაა, როდესაც “ბარსამ” გოლი ვერ გაიტანა. “კოპა დელ რეიზე” ეს პირველად “ატლეტიკ ბილბაოსთან” მოხდა ( 0:0 ), ხოლო ლა ლიგაში “ჰერკულესთან” მარცხის დროს ( 0:2 ).
