6 მიზეზი, თუ რატომ არ გაწვრთნის მაურისიო პოჩეტინო “ბარსელონას”

“ტოტენჰემის” მთავარი მწვრთნელის პოსტიდან გათავისუფლების შემდეგ, მაურისიო პოჩეტინო “ბარსელონას” დაუკავშირეს. Forbes-ის ჟურნალისტი ტომ სანდერსონი წარმოგიდგენთ 6 მიზეზს, თუ რატომ არ არის მოსალოდნელი პოჩეტინოს კატალონიურ კლუბში გადასვლა. 

• “ბარსელონა” არ აპირებს, ერნესტო ვალვერდე თანამდებობიდან სეზონის დასრულებამდე გაუშვას;

• ვალვერდეს შემცვლელების ვინაობა უკვე დიდი ხანია სახელდება და მათ შორის რონალდ კუმანი, მარსელო გალიარდო და ერიკ ტენ ჰაგი არიან;

• ლიონელ მესის ფავორიტო მარსელო გალიარდოა, რაც ხელმძღვანელობის გადაწყვეტილებაზე გავლენას მოახდენს;

• მაურისიო პოჩეტინოს ნათქვამი აქვს, რომ მისი და “ბარსელონას” გზები სხვადასხვა მიმართულებით მიდიან და ამ გუნდის გაწვრთნას თავის სამშობლოში ფერმაში მუშაობა ურჩევნია; 

• პოჩეტინოს კარიერაში ერთ-ერთი ყველაზე მნიშვნელოვანი კლუბი “ბარსას” პრინციპული თანაქალაქელი მეტოქე, “ესპანიოლი” იყო;

• არგენტინელის გადაბირებას “მანჩესტერ იუნაიტედი” და “ბაიერნი” ცდილობენ. 

მაურისიო პოჩეტინო “ტოტენჰემის” სათავეში 2014 წლიდან იყო და გუნდის ისტორიაში ერთ-ერთი ყველაზე წარმატებული მწვრთნელია. წინა სეზონში, მან ყველასთვის მოულოდნელად “დეზები” ჩემპიონთა ლიგის ფინალში გაიყვანა, ბოლო სეზონების განმავლობაში კი პრემიერ ლიგის საუკეთესო ოთხეულის რეგულარულ წევრად იქცა.