მესის ჰეთ-თრიქი და ბუსკეტსის გოლი – “ბარსელონამ” “სელტა” დაამარცხა და ლიდერობა შეინარჩუნა

ლა ლიგის მე-12 ტურში, “ბარსელონამ” დამაჯერებელი გამარჯვება მოიპოვა. 

მატჩში ანგარიში პენალტით გაიხსნა, რომელიც ლიონელ მესიმ 23-ე წუთზე გამოიყენა. ტაიმის ბოლოს, “სელტამ”, კერძოდ კი ლუკას ოლასამ, წონასწორობა აღადგინა, მაგრამ “ბარსას” კაპიტანმა მას მალევე უპასუხა. 

მეორე ტაიმის სტარტზე არგენტინელმა ზედიზედ მეორე ჯარიმა გაიტანა, შეხვედრაში წერტილი კი 85-ე წუთზე სერხიო ბუსკეტსმა დასვა. საბოლოო ანგარიში – 4:1. 

ამ მოგების შემდეგ, “ბარსელონა” სატურნირო ცხრილს 25 ქულით ლიდერობს. ასევე 25 ქულა აქვს მადრიდის “რეალს”, თუმცა კატალონიელების ბურთების სხვაობა მადრიდელებისას აღემატება. 

“ბარსა” მომდევნო ტურში ჩემპიონატის აუტსაიდერს დაუპირისპირდება. 23 ნოემბერს, ერნესტო ვალვერდეს გუნდი “ლეგანესს” ესტუმრება.