“ბარსას” მარსელო გაიარდო უკვე მეორედ დაუკავშირეს

საკმაოდ გავლენიანი გამოცემა El Chiringuito, “ბარსელონას” არგენტინელ მწვრთნელს, მარსელო გაიარდოს უკავშირებს. 

“რივერ პლეიტის” 43 წლის დამრიგებელმა ბოლო 5 წელიწადში 10 ტიტული მოიგო და კლუბის ისტორიაში ერთ-ერთ საუკეთესო მწვრთნელად მიიჩნევა. ახლახანს, ის FIFA-ს წლის საუკეთესო მწვრთნელებს შორისაც მოხვდა. 

“ბარსას” და გაიარდოს მოლაპარაკებებზე პრესაში აქამდეც საუბრობდნენ, თუმცა მაშინ კატალონიელებმა ყველა ინფორმაციას ჭორი უწოდეს. 

ერნესტო ვალვერდეს წარუმატებელი მუშაობის გამო, დიდი ალბათობით “ბარსელონას” ხელმძღვანელობა ზაფხულში მწვრთნელს გამოცვლის. ვალვერდეს შეცვლის მთავარ კანდიდატად რონალდ კუმანი მიიჩნევა.