“ბარსა ბ”-მ მოიგო და ლიდერებთან სხვაობა შეამცირა

სეგუნდა დივიზიონ ბ-ში, “ბარსელონას” სარეზერვო გუნდმა მორიგი შეხვედრა გამართა. კატალონიელები “ლევანტე ბ”-ს დაუპირისპირდნენ. 

69-ე წუთზე აბელ რუისმა ანგარიში გახსნა, მატჩის მიწურულს კი ალექს კოლადომ “ბარსას” უპირატესობა გაზარდა და საბოლოო ანგარიში – 2:0 – დააფიქსირა. 

ზედიზედ ბოლო ორი მოგების გათვალისწინებით, 6 ტურის შემდეგ, “ბარსელონა” მე-5 ადგილზეა და ლიდერ “ანდორას” მხოლოდ ორი ქულით ჩამორჩება. “ანდორას” მსგავსად, 13 ქულა აქვს “ვილიარეალ ბ”-ს და “ლეიდას”, შემდეგ 12 ქულით “კასტეიონი” მოდის, “ბარსა ბ”-სთან ერთად 11 ქულა კი “ლა ნუსიას” და “საბადელს” აქვს. 

მომდევნო ტურში, კატალონიური გუნდი სტუმრად “ერკულესს” შეხვდება.