ტერ შტეგენმა ჩემპიონთა ლიგაზე რეკორდი დაამყარა

მიუხედავად იმისა, რომ გუშინ “დორტმუნდთან” უკეთესი შედეგის დაფიქსირებაც შეიძლებოდა, “ბარსელონამ” საკუთარი გულშემატკივრები რამდენიმე რეკორდით გაახარა.

გამონაკლისი არც გერმანელი მეკარე იყო. მან გუშინდელ თამაშში ისტორია დაწერა.

მარკ-ანდრე ტერ შტეგენმა ჩემპიონთა ლიგაზე 6-დან 4 თერთმეტმეტრიანი მოიგერია. ეს საუკეთესო შედეგია ჩემპიონთა ლიგაზე მას შემდეგ, რაც მსგავსი სტატისტიკის დამუშავება დაიწყო (2003/04 წლების სეზონი). ტერ შტეგენი “შახტარის” მეკარეს, ანდრეი პიატოვს გაუათანაბრდა.

“ბარსელონამ” 2019/2020 წლების ჩემპიონთა ლიგის გათამაშება “დორტმუნდთან” გასვლით მატჩში უგოლო ფრით დაიწყო. ეჭვგარეშეა, რომ გერმანელი მოედანზე საუკეთესო იყო. კატალონიურმა RAC1-მა მატჩის საუკეთესო მოთამაშედ სწორედ ის დაასახელა.

ტერ შტეგენის სტატისტიკა “დორტმუნდის” წინააღმდეგ:

სეივი – 4

მოგერიებული თერთმეტმეტრიანი – 1

გამოსვლა – 1

პასი – 28

პასის სიზუსტე – 92.3%

შეხება – 36

ზუსტი გრძელი პასი – 3

მოგებული ორთაბრძოლა – 2

გამომუშავებული ჯარიმა – 1