მოურინიო: “რეალიდან” “ბარსელონას” შესაჩერებლად დამიკავშირდნენ

ჟოზე მოურინიომ “რეალში” გატარებული წლები მისი კარიერის საუკეთესო გამოცდილებად აღიარა, სადაც მუშაობდა იმაზე, რომ “ბარსელონას” დომინირება შეეწყვიტა.

პორტუგალიელი მწვრთნელი “ლოს ბლანკოსს” 2010-2013 წლებში წვრთნიდა, ხოლო მისი საუკეთესო მომენტი 2012 წელს, ლა ლიგის ტიტულის მოგება იყო.

მოურინიომ მადრიდში, 178 მატჩიდან, 128 მოიგო. ასევე კოპა დელ რეისა და ესპანეთის სუპერ თასის ტიტულები 2011 წელს.

“რეალში” მუშაობა ჩემთვის საუკეთესო გამოცდილება იყო, როგორც მწვრთნელისთვის და როგორც ადამიანისთვის, გაკვეთილები, რომლებიც ვისწავლე ჩემი კარიერისთვის და ცხოვრებისთვის. ეს კარიერის საუკეთესო მომენტი იყო, ნამდვილი ფანტასტიკა,” – თქვა მან პორტუგალიურ ტელეგადაცემაში, რასაც Marca ადასტურებს.

“რაც მე მათ “რეალში” მთხოვეს, ჩემს ბუნებას შეესაბამისებოდა. მათ მითხრეს, რომ ჰყავთ საუკეთესო გუნდი მსოფლიოში, თუმცა “ბარსელონა” მათზე დომინირებდა და საჭირო იყო სიტუაციის გამოსწორება.”

“ჩვენ “ბარსელონასთვის” ხელი უნდა შეგვეშალა და ამიტომაც “მესტალიაზე” გამართული ფინალი მნიშვნელოვანია. ამის შემდეგ ყველაფერი სხვაგვარად იყო. ჩვენ მოვიგეთ ლა ლიგა, სუპერ თასი, მაგრამ გამოვვარდით ჩემპიონთა ლიგის 3 ნახევარფინალიდან.”