“ნაპოლი”-“ბარსელონა” – ჟუნიორ ფირპო მატჩის წინ

“ბარსელონას” ახალწვეულმა, ჟუნიორ ფირპომ, მაიამიში “ნაპოლისთან” დღეს გასამართი მატჩის წინ პრესკონფერენცია ჟერარ პიკესთან ერთად გამართა.

პიკეს პრესკონფერენციის საინტერესო მონაკვეთები უკვე გაგაცანით, ახლა კი 22 წლის მარცხენა მცველის ჯერია.

“ძალიან კმაყოფილი ვარ იმით, თუ როგორ მიმიღეს ახალმა თანაგუნდელებმა. შესანიშნავი მიღება მქონდა.

ძველი ტვიტები? არსებობს რაღაცები, რასაც ახალგაზრდობაში ჩადიხარ და ახლა ამას დიდ ყურადღებას აღარ აქცევ.

ჟორდი ალბა? იმედი მაქვს, მას კარგ კონკურენციას გავუწევ. მინდა მისგან ვისწავლო. თამაში მინდა, მაგრამ ვიცი რა გუნდში მოვხვდი და ვისთან მომიწევს კონკურენცია.”