“ბარსას” ვიცე-პრეზიდენტი: ნეიმარის დაბრუნება გამორიცხულია

“ბარსელონას” ვიცე-პრეზიდენტი ჟორდი კარდონერი, ნეიმარის შესაძლო დაბრუნებასთან დაკავშირებით, საინტერესო განცხადებას აკეთებს.

“ნეიმარი პსჟ-ში ბედნიერი არაა, მაგრამ ეს სიტუაცია პარიზულ კლუბში უნდა მოგვარდეს. დღეის მდგომარეობით, მის “ბარსელონაში” დაბრუნებას გამოვრიცხავთ.

თუ ერთ დღესაც ნეიმარის საკითხი აქტუალური გახდება, ამაზე ვილაპარაკებთ.” – განაცხადა კარდონერმა TV3-თან საუბრისას.

კატალონიელთა ვიცე-პრეზიდენტმა ორაზროვანი განაცხადება გააკეთა ივან რაკიტიჩისა და ფილიპე კოუტინიოს შესახებ: “ისევე, როგორც არ გვიყვარს სხვა გუნდის ფეხბურთელებზე საუბარი, ასევე არ ვაპირებთ “ბარსელონას” ფეხბურთელების მომავალზე ვისაუბროთ. ისინი ჩვენს პატივისცემას იმსახურებენ.”