რეფერენდუმის ჩატარებაზე საუბარი არ შემიძლია – ჟორდი კარდონერი

“ბარსელონას” პირველი ვიცე-პრეზიდენტი, ჟორდი კარდონერი, კლუბში ჩასატარებელ პოტენციურ რეფერენდუმზე საუბრობს:

“უნდობლობის გამოცხადებასთან დაკავშირებული ხელმოწერების დათვლას მალე დავასრულებთ, შემდეგ კი ყველაფერი სპორტისა და ჯანმრთელობის საბჭოსთან გადაწყდება.

ჩვენ, პრეზიდენტთან ერთად, ისეთი ერთიანები ვართ, როგორც არასდროს. ამ დროისთვის, უნდობლობის გამოცხადებას მხარი 19 000-მა ადამიანმა დაუჭირა, თუმცა, ამავდროულად, 90 000-მა ეს არ გააკეთა.

დარწმუნებით ვერ გეტყვით, რომ რეფერენდუმი ჩატარდება – ეს ჯანმრთელობის გარანტიებზე იქნება დამოკიდებული”.

შეგახსენებთ, ჟოზეპ მარია ბართომეუს გადასაყენებლად საკმარისი ვალიდური ხმები შეგროვდა, მაგრამ, ბოლო ინფორმაციით, იგი “ბარსას” დატოვებას მაინც არ აპირებს.