დღეს “კამპ ნოუზე” უმასპინძლებს ჩემპიონთა ლიგის 1/4 ფინალურ მატჩს. ამ თამაშთან ბევრი რამაა დაკავშირებული. მოდით გადავხედოთ ისტორიულ ფაქტებსა და ციფრებს.
► ეს მე–13 1/4 ფინალია “ბარსასთვის”. აქედან 10–ჯერ წარმატებას მიაღწიეს, 3–ჯერ კი დაემშვიდობნენ ტურნირს.
► ეს პირველი შემთხვევაა, როცა “შახტარი” ასე შორს გავიდა ჩემპიონთა ლიგაზე.
► მხოლოდ ერთმა გუნდა შეძლო და მოიგო 1/8 ფინალში ორივე მატჩი. ეს გახლდათ დონეცკის “შახტარი”.
► ბოლოს ამ ორი გუნდის შეხვედრა შედგა 2008 წლის დეკემბერში. კატალონიელები “კამპ ნოუზე” 3:2 დამარცხდნენ, მაგრამ განაღდებული ჰქონდათ ჯგუფში პირველობა.
► ისინი ასევე შეხვდნენ 2009 წლის აგვისტოში. ევროპის სუპერ თასის ფინალში პედრომ დამატებულ დროში გაიტანა ბურთი და ტიტული კატალონიელთ დარჩათ.
► ჯამში ეს გუნდები 7–ჯერ შეხვდნენ. 4–ჯერ “ბარსამ” მოიგო, 2–ჯერ “შახტარმა” და ერთხელაც ფრედ დასრულდა.
► “ბარსელონამ” წლევანდელ ჩემპიონთა ლიგაზე ყველა საშინაო მატჩი მოიგო: 5:1 “პანათინაიკოსი”, 2:0 “კოპენჰაგენი”, 2:0 “რუბინი”, 3:1 “არსენალი”.
► პირველი უკრაინული გუნდი, რომელმაც ევროპის ტურნირზე “ბარსა” საკუთარ მოედანზე დაამარცხა, იყო კიევის “დინამო”. 1997/98 წლებში. მათ 0:4 იმარჯვეს.
► დღეს “კამპ ნოუზე” დაბრუნდება დმიტრო ჩიგრინსკი, რომელმაც “ბლაუგრანას” მაისურით 12 შეხვედრაში მიიღო მონაწილეობა ლა ლიგაში და 2 შეხვედრაში სამეფო თასზე.
► ანდრეს ინიესტა იქნება ერთადერთი ფეხბურთელი, რომელიც ყვითელი ბარათის შემთხვევაში გამოტოვებს შემდეგ მატჩს.
► “შახტარის” შემადგენლობაში ბევრია დისკვალიფიკაციის ზღვარზე: ჩიგრინსკი, გაი, ლუის ადრიანო, მხიტარიანი, რატი და სრნა.
► დავიდ ვილიამ დუბლი შეუსრულა “შახტარს” 2006/07 სეზონში. იმ დროს დავიდი “ვალენსიას” ღირსებას იცავდა.
► დღეს მატჩს წაუძღვება არბიტრი, კრეიგ ტომსონი. აღსანიშნავია, რომ ამ პიროვნებას აქამდე, ამ ორიდან არცერთი გუნდის თამაშისთვის არ უმსაჯია.
