“ესპანიოლის” ფანები მესისთან მაისურის გაცვლის გამო, ადრია პედროსას მოკვლით ემუქრებიან

30 მარტს, “ესპანიოლთან” მატჩის შემდეგ ლიონელ მესიმ და ადრია პედროსამ მაისურები გაცვალეს. სოციალურ ქსელებში ამას “ესპანიოლის” ფანების მხრიდან დიდი აჟიოტაჟი მოჰყვა. ისინი 20 წლის ფეხბურთელს აგინებენ და მოკვლითაც კი ემუქრებიან.

ერთ-ერთმა ჟურნალისტმა, მარია მარტინესმა ეს ყველაფერი ჟერარ პიკეს ხუმრობას დააბრალა, რომელიც ესპანელმა მატჩმადე რამდენიმე დღის წინ იუმორისტულ შოუში თქვა.

ამას “ბარსელონას” სპორტული დირექტორი, გილერმო ამორი გამოეხმაურა: “ამ ორ ამბავს ერთმანეთთან არანაირი კავშირი არ აქვს. მიუღებელია ჟერარ პიკეს დადანაშაულება პედროსას მიმართ სასიკვდილო მუქარებში, რომლებიც მესისთან მაისურის გაცვლას მოჰყვა.”

“ნორმალურია, რომ ფეხბურთელს მესის მაისური უნდოდეს. ის მსოფლიოში საუკეთესო ფეხბურთელია. ყველა მეტოქეს სურს მასთან მაისურის გაცვლა.” – განაცხადა გილერმო ამორმა.