ქალთა ფეხბურთი – “ბარსამ” გაჩემპიონების მცირე შანსი დაიბრუნა

ცოტა ხნის წინ დასრულდა ქალთა ფეხბურთში ესპანეთის ჩემპიონატის 24-ე ტურის ცენტრალური შეხვედრა, რომელშიც მე-2 ადგილზე მყოფმა “ბარსელონამ” ლიდერი “ატლეტიკო”, სტუმრად, ანგარიშით 2:0 დაამარცხა.

ამ თამაშის შემდეგ, კატალონიელებმა მადრიდელებთან სხვაობა 3 ქულამდე შეამცირეს. წინ კიდევ 10 ტურია და სხვაობა თითქოს ბევრი არაა, მაგრამ რეალობა სხვაგვარია. საქმე ისაა, რომ “ატლეტიკო” ქულებს თითქმის არ კარგავს. 24 შეხვედრიდან მადრიდელებმა 22 მოიგეს და მხოლოდ 2 წააგეს, ორივე “ბარსელონასთან”. “როხიბლანკო”, “ბარსას” გარდა, ყველა გუნდთან იოლად იგებს და დიდი ალბათობით, სეზონის ბოლომდე ასე გაგრძელდება.

თუმცა, კატალონიელები უშანსოდ მაინც არ არიან. ისინი შეეცდებიან “ატლეტიკოს” ფეხის ნებისმიერი დაცდენა გამოიყენონ, თავად მათ კი დარჩენილი 6 თამაშის მოგებას ნამდვილად შეუძლიათ.

ატლეტიკო-ბარსელონა 0:2

გოლები: 0:1 ოშოალა 65, 0:2 დუგანი 80