“ბარსელონასთან” მატჩში “რეალს” მხოლოდ ერთი ფეხბურთელი დააკლდება

დიდი ალბათობით, “ბარსელონა” მადრიდის “რეალთან” მატჩს სერიოზული დანაკლისით შეხვდება, დედაქალაქელების შემადგენლობაში კი პრობლემები ნაკლებადაა. სანტიაგო სოლარის გუნდში ტრავმირებული მხოლოდ ერთი ფეხბურთელია: ცენტრალური მცველი ხესუს ვალიეხო. 

რაც შეეხება “ბარსას”, გუნდს რაფინიას, უმტიტის და სილესენის გარდა სავარაუდოდ კაპიტანი, ლიონელ მესი ვერ დაეხმარება. ამასთან დაკავშირებით ოფიციალური ინფორმაცია ჯერჯერობით ცნობილი არ არის, თუმცა მაინც ფაქტია, რომ წლის პირველი “ელ კლასიკოსთვის” ტრავმების მხრივ “ბარსელონაზე” მეტად “რეალს” გაუმართლა. 

კატალონიელებისთვის დღევანდელ სავარჯიშო სესიაზე კარგი სიახლე მაინც იყო. უსმან დემბელემ ვარჯიში განაახლა შესაძლებელია, ხვალ ის განაცხადშიც ვიხილოთ.