“დორტმუნდმა” ალკასერის გამოსყიდვის შესაძლებლობა გამოიყენა

პაკო ალკასერი დორტმუნდის “ბორუსიაში” იჯარით რამდენიმე თვის წინ გადავიდა და უკვე დიდი ხნის გადაწყვეტილია, რომ ის “ბარსელონაში” აღარ დაბრუნდება, თუმცა ეს მხოლოდ დღეს დადასტურდა. ინფორმაციას რამდენიმე ცნობილი სპორტული ჟურნალისტი და Marca ავრცელებს და მათი ცნობით, ეს ოფიციალურია. 

“ბარსელონა” ძირითად თანხად 23 მილიონ ევროს მიიღებს, კიდევ 5 მილიონს კი – ბონუსების სახით. ასევე, მომავალში ფეხბურთელის ტრანსფერის განხორციელების შემთხვევაში, “ბარსას” თანხის 5% ერგება. 

კატალონიიდან წასვლის შემდეგ, ალკასერმა ფორმის პიკს მიაღწია. “დორტმუნდთან” ერთად ჩატარებულ 18 შეხვედრაში, მის ანგარიშზე 13 გოლია.