ქამბექი შედგა – “ბარსელონამ” “სევილია” გაანადგურა

ქამბექი შედგა – “ბარსელონამ” “სევილია” “კამპ ნოუზე” გაანადგურა და კოპა დელ რეის ნახევარფინალში გავიდა.

კატალონიელებმა მეტოქე 6-1, ორი მატჩის ჯამში კი 6-3 დაამარცხეს. ანგარიში მე-13 წუთზე ფილიპე კოუტინიომ თერთმეტმეტრიანით გახსნა, 31-ე წუთზე კი ივან რაკიტიჩმა გაიტანა. მეორე ტაიმის დასაწყისში კოუტინიომ და სერჟი რობერტომ სწრაფი გოლები გაიტანეს, რის შემდეგაც “სევილიამ”, კერძოდ კი გიერმე არანამ, სხვაობა შეამცირა. ამას მატჩის ლუის სუარესის და ლეო მესის გოლები მოყვა. 

ასე რომ, “ბარსელონამ” წლის პირველი სერიოზული გამოცდა ჩააბარა. მომდევნო ეტაპზე, კატალონიელების სავარაუდო მეტოქეებს “ვალენსია”, “ბეტისი” და “რეალი”-“ჟირონას” წყვილში გამარჯვებული გუნდი წარმოადგენენ.