ვან პერსი: კარგია, რომ დე იონგმა “ბარსელონა” აირჩია

ცნობილი ჰოლანდიელი ფეხბურთელი, რობინ ვან პერსი, თავისი თანამემამულის, ფრენკი დე იონგის “ბარსელონაში” ტრანსფერს გამოეხმაურა. 

“დე იონგის შესახებ გავიგე და ვფიქრობ, მან “ბარსაში” გადასვლით წინ დიდი ნაბიჯი გადადგა. 

მე რომ იგივე არჩევანის წინაშე ვმდგარიყავი, “მანჩესტერ სიტის” და პსჟ-ს, ფრენკის მსგავსად, “ბარსელონას” ვამჯობინებდი. ეს კლუბი ფანტასტიკურია. 

დარწმუნებული ვარ, დე იონგი სასტარტო თერთმეტეულში ადგილს მალე დაიმკვიდრებს, რადგან ჭკვიანი და ტექნიკური მოთამაშეა. მას კარგი ხედვაც აქვს და ისეთი ფეხბურთელების გვერდით თამაშის შემდეგ, როგორებიც ლიონელ მესი და ბუსკეტსი არიან, ბევრად უკეთესი გახდება”. – ვან პერსის სიტყვებს Football Oranje ციტირებს.