“ბარსელონას” რაბიოსთნ და ტოდიბოსთან ოფიციალურად მოლაპარაკების უფლება აქვს

დღეს პირველი იანვარია, რაც იმას ნიშნავს, რომ “ბარსელონას” იმ ფეხბურთელებთან მოლაპარაკებების ოფიციალურად დაწყება შეუძლია, რომლებსაც მოქმედი კონტრაქტი 30 ივნისს უმთავრდებათ.

ასეთი ორია – ადრიან რაბიო და ჟან-კლერ ტოდიბო.

გავრცელებული ინფორმაციით, “ბარსელონა” რაბიოსთან უკვე შეთანხმებულია, მაგრამ სანქციის შიშით, კატალონიელები ამას აქამდე ვერ დაადასტურებდნენ. უნდა ველოდოთ, რომ გარიგება უახლოეს დღეებში გაოფიციალურდება.

რაც შეეხება ტოდიბოს – “ტულუზის” 19 წლის ცენტრალურ მცველს დიდ მომავალს უწინასწარმეტყველებენ და მისით არაერთი ევროპული გრანდია დაინტერესებული. ვრცელდება ინფორმაცია, რომ ახალგაზრდა უკანახაზელი გადაწყვეტილებას უახლოეს დღეებში მიიღებს, რაც იმას ნიშნავს, რომ “ბარსელონას” გააქტიურება მართებს.