“ინტერი” “ბარსელონას” კარგ ხასიათზე დახვდება

მილანის “ინტერი” “ბარსელონას” კარგი განწყობით დაუხვდება: ცოტა ხნის წინ, მილანელებმა სერია ა-ში “ჯენოა” 5-0 გაანადგურეს. 

“ინტერი” შეხვედრაში დომინირებდა. მათ მეტოქეს ყველა კომპონენტში აჯობეს. რაც შეეხება გოლებს, რობერტო გალიარდინიმ (14′) და მატეო პოლიტანომ (16′) მასპინძლები სწრაფად დააწინაურეს. მეორე ტაიმის დასაწყისში, გალიარდინიმ მეორე გოლიც გაიტანა და დუბლი გაიფორმა, დამატებულ წუთებზე კი “ნერაძურიმ” კიდევ ორი ბურთი შეაგდო: თავი ჟოაო მარიუმ და რაჯა ნაინგოლანმა გამოიჩინეს. 

11 ტურის შემდეგ, “ინტერი” სერია ა-ში მე-2 ადგილზეა. “ბარსასთან” და ჩემპიონატში “პარმასთან” შეხვედრების გარდა, ლუჩანო სპალეტის გუნდმა ბოლო 10-დან 8 მოიგო.