“გუანჩჟოუ” “ბარსელონა” 50 მილიონს გადაუხდის

2019 წლის იანვარში, “გუანჩჟოუ ევერგრანდი” “ბარსელონას” საკუთრებაში მყოფ პაულინიოს გამოისყიდის და კატალონიურ კლუბს 50 მილიონ ევროს გადაუხდის. ამ ინფორმაციას Marca ავრცელებს. 

ზაფხულში, “ევერგრანდმა” 29 წლის ნახევარმცველი იჯარით დაიმატა, რაც, ცოტა არ იყოს, მოულოდნელი იყო, თუმცა ეს ჩინეთში მოქმედი მკაცრი რეგულაციების გამო მოხდა. ამ ტიპის შეთანხმებით კი (იჯარა და შემდეგ ყიდვა) სუპერ ლიგის მოქმედ ჩემპიონს პრობლემები არ შეექმნება და “ბარსა” იგივე რაოდენობის ფულს მიიღებს, რამდენსაც პირდაპირი ტრანსფერის შემთხვევაში მიიღებდა. 

პაულინიომ, რომელიც “ბარსელონაში” სწორედ “გუანჩჟოუდან” მივიდა, “კამპ ნოუზე” ერთი სეზონი გაატარა და გუნდს 9 გოლით დაეხმარა.