“სევილიასთან” მატჩის განაცხადი და ახალწვეულების ნომრები ცნობილია

ერნესტო ვალვერდემ ესპანეთის სუპერ თასზე “სევილიასთან” გასამართი მატჩის განაცხადში პირველი გუნდის ყველა ფეხბურთელი და “ბარსა ბ”-ს ორი მოთამაშე შეიყვანა.

განაცხადი ასე გამოიყურება: ტერ შტეგენი, სემედუ, პიკე, რაკიტიჩი, ბუსკეტსი, დენისი, კოუტინიო, არტური, სუარესი, მესი, დემბელე, რაფინია, სილესენი, მალკომი, ლანგლე, ალკასერი, ალბა, მუნირი, ს. რობერტო, ვიდალი, უმტიტი, ვერმალენი, მირანდა, პუჩი, ალენია, მარლონი, სამპერი.

აქვე, ცნობილი გახდა ახალწვეულების სავარაუდო ნომრებიც: არტური – 8, მალკომი – 14, კლემან ლანგლე – 15, არტურო ვიდალი – 22. იჯარიდან დაბრუნებული რაფინია ალკანტარა კვლავ 12 ნომერი იქნება, ხოლო მუნირ ელ ჰადადი – 19.

მაროკოში გამგზავრების მიუხედავად, სერჟი რობერტო დისკვალიფიკაციის, ხოლო დენის სუარესი და კარლეს ალენია ტრავმების გამო ვერ ითამაშებენ.