10 რამ, რაც მალკომის შესახებ უნდა იცოდეთ

ცოტა ხნის წინ, “ბარსელონამ” ბრაზილიელი ვინგერის და შემტევი ნახევარმცველის, მალკომ ფილიპე სილვა დე ოლივეირას შეძენა ოფიციალურად დაადასტურა. წარმოგიდგენთ საინტერესო ფაქტებს კატალონიური გრანდის ახალწვეულის შესახებ. 

1. მალკომი ბრაზილიის ქალაქ სან პაულოში დაიბადა. ამ ადგილიდან წარმოშობით ძალიან ბევრი ცნობილი ფეხბურთელია.

2. არაერთი სახელოვანი თანამემამულის მსგავსად, მალკომმა სპორტული კარიერა ფუტსალის თამაშით დაიწყო. კარიერის ასეთი სტარტი დანი ალვესს, ფილიპე კოუტინიოს, არტურს, ბელეტის და რონალდინიოსაც ჰქონდათ. 

3. პროფესიონალური დებიუტი მალკომს “კორინთიანსის” მაისურით ჰქონდა, 2014 წელს. მაშინ ის მხოლოდ 17 წლის იყო და “ფლამენგოს” წინააღმდეგ მატჩში მოედანზე ბოლო 20 წუთი გაატარა. 

4. მალკომს “ბარსას” კიდევ ერთი ახალწვეულის, არტურის წინააღმდეგ ბრაზილიის სერია ა-ში უთამაშია. 

5. მალკომის კარიერის განვითარებაში განსაკუთრებით დიდი როლი ორმა მწვრთნელმა ითამაშა. პირველი იყო მანო მენეზესი, რომელიც “კორინთიანსს” მისი დებიუტის დროს წვრთნიდა, მეორე კი ტიტე. მალკომმა 2015 წელს ბრაზილიის ჩემპიონატის მოგება მასთან ერთად მოახერხა. 

6. კარიერის განვითარებისთვის, მალკომი 2015 წელს “ბორდოში” გადავიდა, სადაც სამი სეზონი გაატარა. ბოლო სეზონში, მან 38 შეხვედრა ჩაატარა, 12 გოლი გაიტანა და 7 ასისტი შეასრულა. 

7. “დიჟონის” კარში გატანილმა გოლმა მალკომს Trophees UNFP du football-ის ჯილდო მოუტანა, რომელსაც წლის საუკეთესო გოლის ავტორს გადასცემენ. 

8. მალკომი მერვე ფეხბურთელია, რომელიც “ბორდოსა” და “ბარსელონას” წევრი ყოფილა. ის შემდეგი მოთამაშეების ჩამონათვალს შეუერთდა:

სალვადორ არტიგასი, ხოსე არანა, დომენეკ ტორედეფლო, ფრანსისკო მატეო, რიჩარდ ვიჩგე, ალბერტ სელადესი და კრისტოფ დუგარი. 

9. “ბარსას” ახალწვეულს ბრაზილიის ორ ასაკობრივ ნაკრებში უთამაშია: U20 და U23 გუნდებში. U20 ნაკრებთან ერთად, ის ახალ ზელანდიაში გამართული მსოფლიო ჩემპიონატის ვერცხლის მედლის მფლობელი გახდა. 

10. მალკომი ისტორიაში 40-ე ბრაზილიელი იქნება, რომელიც “კამპ ნოუზე” ლურჯ-ბროწეულისფერ მაისურს მოირგებს.