ტომ ჰენინგ ევრებე სკანდალურ მატჩს იხსენებს: საკუთარ შეცდომებს შევეგუე

სკანდალური ნორვეგიელი არბიტრი ტომ ჰენინგ ევრებე, “ჩელსისა” და “ბარსელონას” დაპირისპირების წინ, ამ გუნდებს შორის 2009 წელს გამართულ ცნობილ დაპირისპირებას იხსენებს.

2009 წელს, ჩემპიონთა ლიგის ნახევარფინალის განმეორებით შეხვედრაში, “სტემფორდ ბრიჯზე”, “ჩელსიმ” და “ბარსელონამ” 1:1 ითამაშეს, რის შედეგადაც ფინალში კატალონიური გუნდი გავიდა. მატჩის ნორვეგიელმა არბიტრმა რამდენიმე უხეში შეცდომა დაუშვა, მათგან უმრავლესობა “ბარსელონას” სასარგებლოდ.

“ეს ჩემი საუკეთესო დღე არ ყოფილა, ეს სიმართლეა. თუმცა, მსაჯები მსგავს შეცდომებს უშვებენ. ფეხბურთლები და მწვრთნელებიც ცდებიან. რა თქმა უნდა, იმ დღით არ ვამაყობ. რამდენიმე შეცდომა დავუშვი და მათ შესახებ ყველას თავისი აზრი ჩამოუყალიბდა. ვიმეორებ – ფეხბურთელები და მწვრთნელებიც ცდებიან, მაგრამ მათ არაფერი ემართებათ.

შეხვედრის შემდეგ, ფეხბურთელებიდან არავისთან მისაუბრია. მოედანი ღირსეულად დავტოვე, გასახდელში წავედი და ამით მორჩა ყველაფერი.

“ჩელსის” გულშემატკივრები მოკვლით მემუქრებოდნენ. ასეთი სიტუაცია 2012 წლამდე გაგრძელდა, შემდეგ კი, ყველაფერი წარსულს ჩაბარდა.

რა თქმა უნდა, ამ ინტერვიუს გამოქვეყნების შემდეგ, გულშემატკივრები გამიხსენებენ. მაგრამ ამ საკითხზე არ ვღელავ. ხალხს შეუძლია ისე იცხოვროს, როგორც მათ სურთ. მე ოსლოში, ოჯახთან და მეგობრებთან ერთად ბედნიერად ვცხოვრობ. საკუთარ შეცდომებს შევეგუე.” – განაცხადა ევრებემ Marca-სთვის მიცემულ ინტერვიუში.