სულ რამდენიმე წუთის წინ კატალონიურმა სპორტმა გაავრცელა ინფრომაცია იმასთან დაკავშირებით, რომ ბოიანმა შესაძლოა დატოვოს გუნდი სეზონის დასრულების შემდეგ და გადაბარგდეს სხვა გუნდში არენდის წესით.
ბოიანით ძალიან ბევრი გუნდი ინტერესდება. მათ შორის არიან “არსენალი” და “იუვენტუსი”. ეს ორი გუნდი სეზონის დაწყების წინ სერიოზულად ცდილობდნენ ახალგაზრდა ესპანელის გადაბირებას, მაგრამ ამაოდ. გვარდიოლა მასზე დიდ იმედებს ამყარებდა. ახლა სიტუაცია სხვაგვარადაა, ბოიანი ვერ ავლენს თავის შესაძლებლობებს, მას სჭირდება სათამაშო დრო, პრაქტიკა და გამოცდილება. ამიტომაც დიდი შანსია კლუბმა სეზონის დასრულების შემდეგ გაუშვას ბოიან კრკიჩი არენდით 1 ან 2 წლით და შემდეგ იგი უკვე სულ სხვა ანუ გამოცდილ ფეხბურთელად დაიბრუნოს.
