ჩემპიონთა ლიგის მერვედ-ფინალური მატჩის წინ ლონდონის ”არსენალის” მთავარმა მწვრთნელმა, არსენ ვენგერმა განაცხადა, რომ ის გუნდი, რომელიც შეძლებს გათამაშებიდან ”ბარსელონას” გამოთიშვას, ავტომატურად გახდება ტურნირის ფავორიტი.
”ნებისმიერი გუნდი, რომელიც ჩემპიონთა ლიგის გათამაშებაში მოუგებს ”ბარსელონას” , ავტომატურად გახდება ტურნირის ფავორიტი. თუ ჩვენ დავამარცხებთ კატალონიელებს, ეს იქნება ფანტასტიური შედეგი. წინ ძალიან რთული მატჩი გველის.
ჩვენ არ ვიქნებით წნეხის ქვეშ, ვინაიდან არავინ მიგვიჩნევს ამ შეხვედრის ფავორიტად. თუმცა, მეორეს მხრივ, ჩემი შეგირდები ძალიან ამბიცურად არიან განწყობილნი და სურთ დაამტკიცონ, რომ ჩემპიონთა ლიგაში ასეთი მეტოქის დამარცხება ძალუძთ” – განაცხადა ლონდონის ”არსენალის” მთავარმა მწვრთნელმა, არსენ ვენგერმა.
შეგახსენებთ, რომ ჩემპიონთა ლიგის პირველი მერვედ-ფინალური შეხვედრა ”არსენალსა” და ”ბარსელონას” შორის გაიმართება 16 თებერვალს, ლონდონში.
