ნეიმარი პსჟ-მ უკვე წარადგინა

ნეიმარ ჟუნიორი დღეს ოფიციალურად გახდა “პარი სენ-ჟერმენის” წევრი. ვარაუდები არ გამართლდა და ბევრისთვის სამწუხაროდ, “ბარსელონამ” ტრანსფერში არავის ჩართვა არ მოითხოვა. ასე რომ, კატალონიელებს გუნდის გასაძლიერებლად სხვაგან მოუწევთ ფეხბურთელების ძებნა.

ნეიმარმა უკვე გამართა პრესკონფერენცია, სადაც რამდენიმე მნიშვნელოვან საკითხზე ისაუბრა. “ფული? ფული ჩემი მოტივაცია არასდროს ყოფილა, მე პირველ ადგილზე ოჯახს ვაყენებ და არა ფულს. ძალიან მწყინს, როცა ხალხი ამბობს, რომ მე დიდი ხელფასის გულისთვის დავტოვე “ბარსელონა”. მე უკვე მზად ვარ ახალი გამოწვევებისთვის და ყველაფერს ამ შაბათს დავიწყებ.”

ბრაზილიელის წარდგენა “პარკ დე პრენსზე” მოხდა.

ნეიმარი ახალ გუნდში პირველ შეხვედრას ხვალ, “ამიენის” წინააღმდეგ ჩაატარებს.

[media=https://www.youtube.com/watch?v=B6XReaZmYWQ]