დადასტურდა, რომ ჟოან გამპერის თასისთვის “ბარსელონა” და “შაპეკოენსე” 7 აგვისტოს, “კამპ ნოუზე” იბრძოლებენ.
შეგახსენებთ, რომ “შაპეკოენსეს” დიდი ტრაგედია უკავშირდება. ბრაზილიური კლუბის თვითმფრინავი კოლუმბიაში ავიაკატასტროფაში მოხვდა, რასაც გუნდის თითქმის ყველა ფეხბურთელი, პერსონალი და სამწვრთნელო შტაბი ემსხვერპლა. სულ 71 ადამიანი დაიღუპა.
“შაპეკოენსე” “სანტოსის” შემდეგ მეორე ბრაზილიური კლუბი გახდება, რომელიც ამ ტურნირში მონაწილეობას მიიღებს.
“ბარსელონასა” და “შაპეკოენსეს” დაპირისპირების ზუსტი თარიღი ბრაზილიური კლუბის Twitter-ის ოფიციალურ გვერდზე გავრცელდა.
