The Sun-ის ინფორმაციით, “ნიუკასლის” მწვრთნელი, რაფაელ ბენიტესი “ბარსელონას” სარეზერვო გუნდის წევრით, კარლეს ალენიათი პირადად ინტერესდება. ესპანელი სპეციალისტი ახალგაზრდა ფეხბურთელს რამდენიმე თვის განმავლობაში აკვირდებოდა.
2016/17 წლების სეზონში, სარეზერვო გუნდის ფეხბურთელებს შორის, ყველაზე მეტი სათამაშო პრაქტიკა კარლეს ალენიამ მიიღო, რომელმაც სამეფო თასის 1/8 ფინალში “ერკულესის” კარი შორეული დარტყმით აიღო.
წყაროს თანახმად, ბენიტესმა სკაუტებს ალენიაზე დაკვირვება დაავალა. კარლესი ინგლისურ გუნდში, შესაძლოა, არენდის წესით გადაბარგდეს. როგორც იცით, “ნიუკასლი” პრემიერ ლიგას დაუბრუნდა.
