ვალვერდეს 9 ფეხბურთელის გაყიდვა უნდა

ესპანური OK Diaro-ს მიერ გავრცელებული ინფორმაციის თანახმად, “ბარსელონას” ახალი მთავარი მწვრთნელი ერნესტო ვალვერდე შემადგენლობის რადიკალურ ცვლილებას გეგმავს. 53 წლის სპეციალისტს 9 ფეხბურთელის გაყიდვა და 4-ის შეძენა სურს.

წყაროს ცნობით, ვალვერდემ კატალონიური კლუბის ხელმძღვანელობას დაუსახელა ის ფეხბურთელები, რომლებიც მზადაა, ამ ზაფხულს გაუშვას. წამსვლელთა შორის მოხვდნენ: რაკიტიჩი, ალბა, თურანი, დ. სუარესი, მატიე, ალკასერი, რაფინია, ვიდალი, დინი. კატალონიელებს ფეხბურთელების გაყიდვით 150 მილიონი ევროს გამომუშავება უნდათ.

ვალვერდეს სანაცვლოდ ანდერ ერერასა (“მანჩესტერი”) და სტივენ ნ’ზონზის (“სევილია”) ან მანუ ტრიგეროსის (“ვილიარეალი”) ყიდვა უნდა. გარდა ამისა, ახალი მწვრთნელი შემადგენლობის გაძლიერებას ემერიკ ლაპორტითი (“ბილბაო”), ექტორ ბელერინითა (“არსენალი”) და ხერარდ დეულოფეუთი (“ევერტონი”) აპირებს.